Жамбыл облыстық қазақ драма театры

+7 (7262) 45-29-68
+7 (7262) 45-79-70
Тараз қ, Абай проспект, 115

Жамбыл облыстық қазақ драма театрының «Сен, Мен!» атты кезекті жаңа қойылымының тұсаукесер қойылымын көрсету – театрдың төл мерекесі Халықаралық театр күніне дәл келді.

Осы күні қойылымның алдында Халықаралық театр күніне орай, өнер ұжымын құттықтауға келген облыс әкімдігінің мәдениет, архивтер және құжаттама басқармасының, Республикалық Мәдениет, спорт және ақпарат қызметкерлерінің кәсіптік одағының Жамбыл облыстық филиалының және облыстық Ардагерлер кеңесінің басшылары сахна өнерінде үздік танылып жүрген бірқатар артистер мен қызметкерлерді Алғыс хаттармен, Грамоталармен марапаттады. Марапаттау соңында Наурыз көже таратылып, құдайы тамақ берілді.

Соңынан театрдың «Сен, Мен!» атты жаңа қойылымының премьерасы тамашаланды.

«Сен, Мен!» драмасын қырғыз драматургі Мар Байжиевтің «Дуэль» атты пьесасының желісі бойынша сахнаға дайындаған – режиссер Камат Касенов. Сценографиясын дайындаған - қоюшы-суретші Рахат Сапаралиева.

Драма оқиғасы Нази есімді қыздың махаббат үшін, бақытты өмір үшін алға ұмтылып, бірде дұрыс жол тауып, бірде адасып, бірде сол тығырықтан қайта шығып, жанталасқан күресін жеткізеді.

Нази қыз өзін адастырып жүрген Сен (Ескендір) атты жігіттің алдамшы өтіріктеріне сенер-сенбесін білмей, басы қатып, «Бақыт деген не?» деген көкейіндегі сауалға жауап таба алмай жүрген...

Сен (Ескендір) Нази қызды теңіз жағасына демалуға алып келеді. Нази қыздың шын бақытты іздеу жолындағы күресі осы теңіз жағасында да жалғасады... Ол теңіз жағасында Мен (Азиз) атты жігітпен жолығады... «Бақыт деген не?» деген сауалын Нази жаңа танысқан жігітіне де қояды. Мен (Азиз) оған: «Бақыт деген – ол, арман. Адам сол арманына жеткенде, бақытты болады» деп жауап береді... Жігіттің бұл жауабы қыздың көкейіне қонады... Қыз шын бақыттың, артынан шын махаббаттың да не екенін ұғады... Нази қыз теңіз жағалауында жолыққан осы бейтаныс жігітті (Мен-Азизді) шын сүйіп қалғанын сезінеді... Жігіт те қызды сүйіп қалады...

Қызды алдамшы сезіммен жетелеп жүрген Сен (Ескендір) болса, өзінің өтірігі әшкереленіп, далада қалғанын ұғады... Қыз одан теріс айналады... өйткені, ол шын бақытын, шын махаббатын Меннен табады... Мен оны дұрыс жолға жетелейді...

Драманың идеясы «Бақыт деген – ол, арман. Адам сол арманына жеткенде, бақытты болады», - деген ақиқат шындықты ұқтырады.

Қойылымның бір ерекшелігі – драманың басты кейіпкерлері Сен-Ескендірді де, Мен-Азизді де бір ғана актер – Кенен Ақүрпеков сомдайды.

Бір-біріне мүлдем қарама-қайшы екі кейіпкерді бір қойылымда, бір мезгілде үлкен шеберлікпен ойнап шығуы, сөз жоқ, Кененнің мықтылығы!

Актер Кенен Ақүрпеков осы қойылым арқылы өзін тағы бір ерекше қырынан танытты!

Ал, Нази қыздың ролін сомдауға театрдың жас актрисалары Альмира Ділда мен Әсем Қондыбаева дайындалды. Олар әр қойылымда бірін-бірі ауыстырып, Нази қызды кезекпен сомдайтын болады.

Премьера күні Нази қызды актриса Альмира Ділда сомдап шықты.

Жамбыл облыстық қазақ драма театрының «Сен, Мен!» атты кезекті жаңа қойылымының тұсаукесер қойылымын көрсету – театрдың төл мерекесі Халықаралық театр күніне дәл келді.

Осы күні қойылымның алдында Халықаралық театр күніне орай өнер ұжымын құттықтауға келген облыс әкімдігінің мәдениет, архивтер және құжаттама басқармасының басшылары сахна өнерінде үздік танылып жүрген бірқатар артистер мен қызметкерлерді Алғыс хаттармен марапаттады.

Сондай-ақ, Республикалық Мәдениет, спорт және ақпарат қызметкерлерінің кәсіптік одағының Жамбыл облыстық филиалының басшылығы атынан бірқатар артистер мен театр қызметкеткерлері Құрмет грамотасымен марапатталса, Қазақстанның еңбек сіңірген артисі Майра Әлімбетова мен театрдың қойылым бөлімінің меңгерушісі Ділдабек Сыздықов ҚР Мәдениет қызметкерлері кәсіподағының «Еңбек даңқы» төсбелгісімен марапатталды.

Сонымен қатар театрдың бірқатар ардагер артистері мен қызметкерлеріне Жамбыл облыстық Ардагерлер кеңесінің Алғыс хаттары табыс етілді. Ал, ардагер артистер Әнапия Ахмет пен Айжан Атымтаева «Жамбыл облыстық Ардагерлер кеңесіне 30 жыл» төсбелгісіне ие болды.

Сондай-ақ, театр ұжымының барлығына түгелдей төл мерекелеріне орай материалдық ынталандыру ретінде ақшалай сыйақы берілді.

Марапаттау салтанаты мен шағын концерт соңында қонақтар мен ұжымға Наурыз көже таратылып, құдайы тамақ берілді.

Наурыз мейрамы қарсаңында Жамбыл облыстық қазақ драма театры А. Атымтаеваның "Жаңғырған жаңа күн" ертегісін #34 мектеп оқушыларының назарларына ұсынды, қойылым соңында Қыдыр ата мен Ұмай ана келіп, балаларды келе жатқан Әз Наурыз мейрамымен құттықтап, бастасын берді.

Бүгін «Нұр Отан» партиясының «Кедергісіз келешек» жобасы аясында мүмкіндігі шектеулі жастарға арналған бос жұмыс орындарының жәрмеңкесі өтті. Жәрмеңке жұмысына Жамбыл облыстық қазақ драма театры директорының жалпы мәселелер жөніндегі орынбасары Канат Агадилов те қатысып, мүмкіндігі шектеулі жандарды жұмыспен қамту, оларға түрлі әлеуметтік жеңілдіктер көрсету шараларына қатысты ұсыныстармен танысты.

Осы орайда, мүмкіндігі шектеулі жастардың Жамбыл облыстық қазақ драма театрында өткізілетін әр алуан мәдени шаралар мен сахналық қойылымдарға тұрақты қолжетімділігі қамтамасыз етілгендігін айтқан абзал.

12 наурыз, сағат 16:00-де Жамбыл облыстық қазақ драма театрында Ғ. Мүсіреповтің "Ақан сері - Ақтоқты" трагедиясын көрермендер назарына ұсынды. Режиссері - Қуандық Қасымов

12 наурыз, сағат 12:00-де Жамбыл облыстық қазақ драма театрында М. Абайділдә мен С. Пірмановтың "Балшық бала" ертегісін кішкентай бүлдіршіндер назарына ұсынды. Режиссері - Кенен Ақүрпеков.

11 наурыз Жамбыл облыстық қазақ драма театры көшпелі қойылыммен Байзақ ауданы Ровный ауылы Бурыл орта мектебінде А. Атымтаеваның "Жаңғырған жаңа күн" ертегісін сахналады.

Жамбыл облыстық қазақ драма театры мереке қарсаңында А. Атымтаеваның "Жаңғырған жаңа күн" ертегісін көшпелі қойылыммен сахналады.

Көрермендердің зор ықыласымен көзайымына айналған ең керемет қойылымдардың бірі Қ. Шаңғытбаевпен Қ. Байсейітовтың "Беу қыздар-ай!" комедиясы алғыс айту күні қарсаңында көрермендер назарына ұсынылып, көрермендердің үлкен алғысына ие болды.

1 наурыз – Алғыс айту күніне орай, Жамбыл облыстық қазақ драма театры Байзақ ауданы Байзақ ауылының клубында, бүлдіршіндерге арнап А. Атымтаеваның "Жаңғырған жаңа күн " ертегісін ұсынды.

1 наурыз – Алғыс айту күніне орай, 50 жылдан аса уақыт бір шаңырақ астында тату-тәтті тұрып, еңбек етіп келе жатқан Жамбыл облыстық қазақ және орыс драма театрларының ұжымдары «Тату көршіге ризамыз!» атты тақырыпта алғыс айту іс-шарасын ұйымдастырып, екі ұжым бір дастарханнан дәм татып, ақ бата, тілектерімен, сый-сияпаттарымен алмасты және ардагер артистерге құрмет көрсетілді. Іс-шара аясында екі театр ұжымы қазақ және орыс халық әндерін орындап, би билеп, көктемнің алғашқы күнгі мерекесінде осылайша зор шаттыққа бөленді.

Жамбыл облыстық қазақ драма театрында Елбасының «Рухани жаңғыру» бағдарламасы мен «Ұлы даланың жеті қыры» атты бағдарламалық мақаласы аясындағы міндеттерді жүзеге асыру мақсатында сахнаға дайындалған жаңа қойылым – Ғ.Мүсіреповтің «Ақан сері - Ақтоқты» трагедиясының тұсаукесер қойылымы көрсетілді.

Бүгін Жамбыл облыстық қазақ драма театры Тараз қаласының #29 орта мектебінің оқушыларына Б. Айдарбековтың "Тағдыр тәлкегі" мұңлы драмасын сахналады.

Жамбыл облыстық қазақ драма театрында Елбасының «Рухани жаңғыру» бағдарламасы мен «Ұлы даланың жеті қыры» атты бағдарламалық мақаласы аясындағы міндеттерді жүзеге асыру мақсатында сахнаға дайындалған Ғ.Мүсіреповтің «Ақан сері - Ақтоқты» трагедиясы сахналанды.

26 ақпан Жамбыл облыстық қазақ драма театры көшпелі қойылыммен Тараз қаласындағы #29 орта мектебінің оқушыларына С. Пірмановтың "Алтын жұмыртқа" ертегісін сахналады.

Жексенбі күні сағат 16.00де Жамбыл облыстық қазақ драма театры өзінің кезекті әрі ең таңдаулы мелодрамасын көрермендеріне ұсынды. Бұл мелодраманың қоюшы-режиссері М. Ахманов.

18 қаңтар Жамбыл облыстық қазақ драма театрында М. Ахмановтың "Бір түп алма ағашы" мелодрамасын көрермендер назарына ұсынды.

18 қаңтар Жамбыл облыстық қазақ драма театрында "Балшық бала" ертегісін кішкентай бүлдіршіндер назарына ұсынды.

Жамбыл облыстық қазақ драма театры 11 қаңтар күні С. Пірмановтың "Ақ күшіктің туған күні ертегісін" #4 Арнаулы әлеуметтік қызметтер ұсыну Орталығында" қайырымдылық шара ретінде көшпелі қойылыммен сахналады.